«Eger úkimettik emes uıymdar ýákiletti organdarǵa esep bermegen jaǵdaıda olar granttar men syıaqylar úshin ótkiziletin konkýrstarǵa qatystyrylmaıdy. Búginde oblysta tirkelgen 867 úkimettik emes uıymnyń 586-y ǵana jumys isteıdi. Olardyń barlyǵynan da osy úsh aıda qyzý qımyl kútemiz» dedi Záýre Ánýarbekqyzy.
Infonpo.kz saıty - úkimettik emes uıymdar úshin aqparattar jınaıtyn derekqor ǵana emes, ol uıymdar úshin aqparattar almasý, aralasý alańy da. Oblystyq «GrIn» azamattyq alıansy» qoǵamdyq qorynyń tóraıymy Dınara О́tebaevanyń aıtýynsha, oblystaǵy úkimettik emes uıymdardyń resýrstyq ortalyǵy olarǵa keńester berip, ádistemelik qoldaý kórsetip otyrady. О́tken jyly Derekqor málimetteri baǵyty boıynsha 86 úkimettik emes uıymǵa keńes berilgen edi, bıyl osyndaı kómek alǵandar sany 156 boldy.
«Derekqordaǵy málimetter úkimettik emes uıymdar arasynda baılanysty nyǵaıtady, áriptes tabýǵa ıtermeleıdi. Mysaly, Derekqordaǵy aqparattardyń arqasynda Mańǵystaý oblysyndaǵy áriptester bizge shyqty, úkimettik emes uıymdar áleýetin kóterý úshin qazaq tilinde shara ótkizýge usynys jasady» deıdi Dınara Qaıyrbekqyzy.
Úkimettik emes uıymdar óz jumysy týraly úsh aıdyń ishinde esep berse, alda bolatyn konkýrstarǵa da ýaqytynda qatysady, jumysy jandanady degen sóz.
Názıra JÁRIMBET,
«Egemen Qazaqstan»
Qostanaı
